Konsertforestilling i Kongsen

To sterke stemmer møtest i eit varmt og levande konsertformat når Steinar Albrigtsen og Monika Nordli inviterer til ein kveld "i det blå landskapet" – eit musikalsk møtepunkt der bluesens rå nerve møter melankolsk americana og nordnorsk humor.

Steinar Albrigtsen feirar 45 år på vegen – tiår prega av kompromisslaus lidenskap for musikken, og ein stemme som framleis trollbind publikum. Han slo for fullt gjennom med Spellemann-vinnande Alone Too Long i 1990, og har sidan vore ein viktig ambassadør for både country og blues i Noreg. Med gitaren som trufast følgjesvein og ein musikalsk signatur inspirert av Merle Haggard, Jimmie Rodgers og Mississippi John Hurt, har han sett djupe spor i norsk musikkhistorie.

Monika Nordli har sidan debuten markert seg som ein ærleg og sjarmerande formidlar innan americana-sjangeren. Med det ferske og kritikarroste albumet Hard Working Woman tek ho steget inn i bluesens rike, med tekstar om kvardag, styrke og livets motbakkar – alt levert med eit glimt i auget og ein god dose sjølvironi. Mange av låtane har vore framførte live gjennom fleire år, men er no endeleg samla på plate. Albumet har vorte kåra til «most played album top 40» av medlemmene i Independent Blues Broadcasters Association.

Live inviterer trioen til ein kveld med høgdepunkt frå Albrigtsens rike katalog, Nordlis nye fengande blueslåtar og musikalske møte mellom nordnorsk sjarm og telemarksk vemod. Alt dette blir formidla med humor, varme og ekte historier frå livet på landevegen.

“I det blå landskapet” er meir enn ein konsert – det er ein stemningsfull kveld for deg som likar ekte musikk formidla med hjartet.

Praktisk informasjon

• Billettpris: kr 395 + billettavgift

• Showpakker: Vi tilbyr pakkar med middag eller middag + overnatting på Bekkjarvik Gjestgiveri

• Dørene opnar 30 minutt før konsertstart

• Ingen aldersgrense

• Billettane blir ikkje refunderte