
Kontrastar i havgapet
Kloggar & stillettar
Austevoll er eit øyrike med 667 øyar, der svaberg, sund, lyngheier og furuskog formar landskapet. Her svevar havørna over sjøen, medan villsauen beitar i kulturlandskapet. Langs kaiene møter du folk med salt i håret og ei djup kjærleik til havet, men også med urbane og internasjonale impulsar frå kultur- og arbeidslivet. Her lever kloggar og stillettar side om side.
Friske opplevingar
Havet er ein naturleg del av livet i Austevoll, og gjev rom for opplevingar som både utfordrar og inspirerer. Fiskeri, havbruk og reiseliv set sitt preg på både landskap og mattradisjonar, og menyen er fylt med råvarer rett frå sjø og skog. Vil du smake på lokale delikatessar eller kjenne livet langs bryggene, finn du det ekte og nære her.
Kontrastar og skaperkraft
Austevoll er ein stad der tradisjon møter innovasjon, og der arbeidsklede og festantrekk har like naturleg plass. Kontrastane skapar eit levande samfunn med puls, varme og skaperkraft – der små og store opplevingar ventar like rundt neste nes.
Planlegg reisa di til Austevoll
Uansett kor du kjem frå, er det enkelt å reise til Austevoll – og turen i seg sjølv er ein del av opplevinga. Her finn du nyttige tips og informasjon for å komme deg trygt og enkelt fram