Mamma Mia i Hengjo
20. juni & 27. juni
Vi spelar framsyninga på to datoar. Hugs å sjekke at du har valt rett dato før du går vidare til betaling.
Bekkjarvik Experience, Bekkjarvik Gjestgiveri og Eit SABBA Band presenterer:
Mamma Mia! Dinnerparty i Hengjo
Gjesteartist: Fredrik Domaas
Gjer deg klar for ein heilt unik sommarkveld i majestetiske Hengjo i Bekkjarvik – med ein smak av Hellas! For aller første gong inviterer vi til eit ekte dinnerparty der middag og show går hand i hand.
Nyt ein utsøkt trerettars sharing-meny i gresk-inspirert stemning medan du blir omslutta av eit spektakulært ABBA-show i historiske omgjevnader.
Eit SABBA Band har teke både små og store scener med storm det siste året, og for høvet har Astrid Fagerbakke Heggland skrive eit splitter nytt manus, med humor, romantikk og tendensar til sjalusi. Fredrik Domaas, kjend mellom anna frå Stjernekamp, er med i rolla som den litt for unge språklæraren som fire «litt vaksnare damer» har eit godt auge til. Her blir det sol, sommar, allsang og dans – og garantert Dancing Queen-stemning!
Dette arrangementet er rett og slett *the winner takes it all* for sommarfesten – anten du kjem med firmaet, venegjengen eller klubben. Når kvelden går over i natt, opnar dansegolvet med endå fleire ABBA-hits og dunkande disco, så ta på deg danseskoa!
---
📌 Praktisk informasjon
Dato: 20. juni og 27. juni 2026
Tid: Dørene opnar kl. 18.00
Stad: Hengjo, Bekkjarvik
Billettpris: kr 1495,- + billettavgift
Billetten inkluderer:
Aperitiff
3-retters sharing-meny
Heilaftans show
Therese Storebø frå Feddie i baren (20. juni)
DJ og dans
Grupper: Arrangementet nyttar større fellesbord, og gjestene blir plasserte saman. Grupper blir bedne om å ta kontakt med Bekkjarvik Gjestgiveri for bordplassering.
Aldersgrense:** 20 år
Merk: Billettane blir ikkje refunderte
---
Medverkande
Vokal:
Fredrik Domaas
Astrid Fagerbakke Heggland
Ragnhild Cathrine Østervold
Mandana Zadeh
Hege Lauvik
Band:
Sigve Solbakken
Anders Dale
Roald Storebø
Jo Magnar Drønen
Bent-Jarle Brenne
Så take a chance on us, finn fram sommarkjolen, det gode humøret – og bli med på ein kveld fylt med gresk atmosfære, ABBA-klassikarar og minne som varer lenge etter siste låt.
Voulez-vous bli med?
Billettar finn du på her: https://bex.easyticket.no